كلام حلوهيعجبكم بعنوان (شبيك لبيك)

لقيت الفانوس مرة ودعكته طلعلى عفريت قاللى شبيك لبيك

قلت خلاص الذل أنا ودعته ويا عفريت بالطلبات هاهريك

قالى هأوأو يا إنسان دانا العفريت بن الجان

ما يهمنيش مكان وزمان واطلب وعندى البرهان

قلتله عاوز قمح زُرع فى مصر ومسؤولين يبطلوا فشر

وحكومة متحصرنيش عصر ومرتب يسترنى لآخر الشهر

وعاوز عيش بدون طوابير وحكومة ضد التبذير

وانتخابات من غير تزوير ورئيس سابق أشوفه كتير

وعاوز فى بيتى كيلو دقيق وسبب مقنع لأى حريق

ومجلس شعب بدون تصفيق وفى كأس العالم لينا فريق

وعاوز أزور شرم الشيخ وصباعين كفتة اللى فى السيخ

وأشرب مرة عصير بطيخ وأخرج من القسم بدون تلطيخ

ونسى الضحكة ترجع تانى وحتة لحمة كندوز أو ضانى

وجنيه مصرى زى البرانى ورصيف للمشى أنا وخلاّنى

رد العفريت عليا بغشم وقال يا مصرى ماكنش العشم

بص.. أنا ممكن أنقلك الهرم واسدلك الأوزون اللى اتخرم

وأرجعلك الأكل اللى اتهضم وأعملك بقرة من الغنم

وأعملك قصر من العدم وأقولك معنى شرم برم

بس طلباتك طلبات ملموس عقله خلاص أكله السوس

ده تخطيط يا بنى ومدروس إنك تعيش على طول موكوس

وأحنا بناخد منكوا دروس إزاى نخلى العفريت متعوس

ويا رب ترجعنى تانى الفانوس وزى بعضه أعيش محبوس

بدل ما أخرج واتبهدل زيك وأعيش موكوس على متعوس

أسامة المصرى

شاب مصرى مخنوق ههههههههه

موضوع جميل جدا بجد تسلم عليه

والوصف بجد حقيقى ده حتى العفريت رضى يتحبس جوه الفانوس لانه لو هيدخله او هيخرج منه هيبقى برضه محبوس

وانا مع العفريت انه بيقى محبوس بدل ما يبقى محبوس ومنحوس وموكوس ومتعوس كلام حلوهيعجبكم بعنوان (شبيك لبيك) Icon_cheers

ههههههههههههههههههههههه
فعلا كلام حلو
طب متخلى العفريت ياخدنى معاه
انا لو مكان الشاب المصرى كنت دخلت مع العافريت الفانوس
هههههههههه

تسلم محمد

شكرا على مرروكم وياريت ضحكته على الموضوع ولا على حالنا

هههههههههههههههههههههههههههههههههه

ايه ده حتى العفريت عارف اللي فيها والله عندك حق يا عفريت

الفانوس ارحم تعيش محبوس ولا تعيش موكوس

تسلم ايدك يا باشا على التوبك الجميل

وفي انتظار جديد ابداعاتك

تقبل مروري

» أحلى كلام عذب من شعر قيس وليلى ..
» اجمل كلام الحب
» كلام النسوان من الالف الى الياء