انواع الشباب على شبكه الأنترنت ؟؟

انواع الشباب على النت

النوع الاول العمر يتراوح من 22 الى ما فوق ... وتلاقيه اول ما يدخل هاي ممكن

نتعرف انا فلان ومن الحته الفلانيه وتحسي ان فيه حنفيه معلومات اتفتحت

واي حاجة تقوليهاله يقولك يعني ايه مش فاهم وبعد كل كلمة يقولك اصل

انا لسه جديد في النت

والنوعية دي تنقسم لقسمين :

1- يا اما متحمس وحط ف دماغه موضوع النت وعايز يتعلم

2- يا اما سمع من صحابه عن النت والبنات وجاي يجرب حظه

المرحلة الثانية:

الي بيقعد على النت بس مش كتير)

النوع ده كل كلامه انا مشغولياتي كتير ومبحبش النت والكلام ده وبعد ما

يكلم شوية يقولك ممكن نكمل كلام في التليفون انا اصلي مبدخلش النت

كتير ومليش خلق للكتابة والحاجات دي

والنوعيه دي تنقسم الى قسمين:

1- يا اما يبقى لحوح ويفضل يطلب نفس الطلب وصباح الملل

2- يا اما يبقى عنده عزة نفس وميلحش بس هيتعصب وهيقولك اعمليلي بلوك

المرحله التالته

الي قاعد على النت ليل نهار)

ده بقى شرحه يطول وينقسم لعدة انواع

1- المقموص

ده بقى قاعد وحاطط ايده على زرار الزعل اي حاجة تقوليها تبقي بتقصديه

او بتقللي من شانه وبعد كام مرة كلام ممكن يقولك اديني نمرة تليفونك

ولما تعتذري هيقولك انا هحترم رغبتك وهيركبلك الوش الخشب ومن وقت

للتاني هتاخدي البلوك ف وشك فنصيحه من اولها كده اديله بلوك وديليت

2- ابو دم خفيف

ده شلل مركز ومتعرفيش مين الي خدعه وقاله ان دمه خفيف وكل كلامه قفشات

وضحك والمفروض انك تكوني مجامله وتضحكي بس منصحكيش تيجي على اعصابك

3- المودي

دي بقة شخصية بتتنوع كل يوم على حسب المود وهتحسي انك بتكلمي واحد

عنده انفصام ف الشخصية النهاردة رزين وعاقل وبكرة لاسع وبعد يومين رخم

وبعدها كيوت وفريندلي طبعا الحكايه مش ناقصة جنان كفايه الي الواحد

فيه

4- اللزقه

والنوع ده عايز حزم ف التعامل معاه لأن كل كلامه انتي فين ؟ بتتاخري

في الرد ليه؟ انتي بتكلمي حد ؟؟ ياعم وانت مالك بتتحشر

ليه ......ولو قلتيله ثواني هيقولك ليه رايحة فين؟ متتاخريش ... ايه

ده انتي لسه مجيتيش ؟؟؟

5- الناصح

صباح الصداع مع كل جمله هتقوليها هتاخدي نصيحة وفيه عرض خاص قولي

جملتين وخدي اربع نصايح العرض مستمر حتى نفاد الكمية ........ولو على

منتدى زينا كده هتلاقيه بيقولك ليه حطيتي التوبيك ده وليه شيلتي

الصورة دي وحطيتي التانية انا انصحك انك تخليه يحصل اخواته الي فاتوا

يعني بلوك وديليت

6- الحبيب

انا فيا جاذبية وكل البنات بتعجب بيا ....... ايام ما كنت ف الكليه

كنت عامل ازمه والبنات بتتخانق عليا...... المصيبة بقى ان اي جمله

هتقوليها هيفهم ان انتي معجبه اصله مش بمزاجك هتحبيه يعني هتحبيه

7- حريقة بنات

ده بقى لو في منتدى او ميل جروب تلاقيه مركز على كل البنات ومبيعملش

اي حاجة تانية غير كده الكوميدي بقى لما يتلخبط ويعتقد ان الأسم ده

انثوي ويندمج وبعدين يطلع واحد صاحبه

8 الكدااااب

من اول الأسم والسن واي معلومة خدتيها كدب في كدب ومتعرفيش ليه ده بقى

انصحيه وخليه يغير اسمه على الماسنجر ويخليه مسيلمة الكداب

9- العبيط

ده هتلاقيه على طول حاطط صورته وذنب عليكي تتفرجي ويشيل الصورة دي يحط

التانية وكل شوية يفتح الكاميرا مع نفسه

10- بابا اوبح

ده ممكن يكون على النت من سنة 96 واتخرج واشتغل واتجوز وجاب عيال ولسه

قاعد يتعرف على بنات وكل ما يكلم واحدة يقنعها انه مش متجوز وبيدور

على عروسة وصباح السرحان ولو جربتي كل يوم تدخليله بايميل غير التاني

هتسمعي قصة حياته كل يوم مختلفة

ههههههههههههههههههه علي هيك مين معناه اكلم ولا احد احسن

ههههههههههههه
تعرف انى قابلت نص الى بتكلم عليهم دول
وتقريبا كده قربت اقابل الباقيين
هههههههههههههههههههه

اجمل

انواع الشباب على شبكه الأنترنت ؟؟ 2268_1188680224

مروه

ههههههههههههههه صح وللة من دة كتير فارس
مشكور

والله يافارس انا تقريبا قابلتهم كلهم بس نفسي أعرف ليه بيعملوا كدة و بجد والله مقدرش أنكر أن كلامك دة صح ومش بيحصل كتير لأ ده هوا دة اللي بيحصل دايماااااااااااااااااا دة غير نوع جديد مش عارفة وصلك ولا لاء انه فجأة حس أن عمره عدي وهوا مركز في شغله بس من غير مايلاقي الحب أو حتي يفكر يدور عليه فقرر أنه لازم يدور ع الحب ويلقاه فدخل النت علي أساس أن مبقاش في حب غير في النت بس ياحرام

:ر1:

يسلموووووووووووووووا وفاء على مرورك وردك

انواع الشباب على شبكه الأنترنت ؟؟ 2268_1188680224

موضوع رائع وحقيقى كل الشباب عاوزين الواحدة الى تبقى ليل نهار على النت شكرا على الموضوع فارس انواع الشباب على شبكه الأنترنت ؟؟ 411880

يسلموووووووووووا على المرور يا جميل

تسلمى لولو على مرورك الوردى

ههههههههههههههههههههههههه
موضوع كتير حلو وجميل
يسلمووووووووا فارس على الطرح الرائع

تحيــــــــــاتى

يسلموووووووووووووووووا على مرورك الوردى ساره

ميرسى إلك لردك العذب
الله لا يحرمنا من مشاركاتك الرائعة

تحــــيــــا تى

هههههههههههههههه دا على كدا كل الشباب اللي ع النت ما منوش امل

يلا عليه العوض و منه العوووووض ههههههههه

يسلمووو فارس ع التوبك الجميل

تحياتي اليك و تقبل مروووووري

ميرسي شفاء الروح على مرورك العطر

دومتى بكل ود واحترام

والله عندك حق تسلم ايدك على موضوعك الجامد واسفة لغيابى لولو

» اكاذيب الشباب على البنات
» انواع الاحتضان ... + (( صـــو ر ))
» نبذة مختصرة عن بعض انواع الحمام الاخرى
» مسكات من الخضار والفاكهة تناسب جميع انواع البشرة
» أحدث انواع الدهانات والديكورات تعتيق فلفت خيال روشن شامواه